اغلقهل تريد أن تكون هذه هي لغتك الأساسية؟  نعم | لا

Dalili.com.egEgypt Directory

  • جميع المشاركات من قبل motaz hesham
    • عدد نقاط الثقة: (37)
    • متوسط التقييمات: (4)
    كوتشينا

    30-10-2011

    من المطاعم المتميزة اوى مجال الاكل الايطالى وافضلهم من حيث الخدمة، صراحة الخدمة هناك ممتازة لاقصى درجة وبمجرد ما بتخش المطعم الناس اللى هناك بيعاملوك كانك صاحب المطعم، بالنسبة للاكل فهو رائع وخصوصا البيتزا سوبر سوبريم والسي فود، اما بالنسبة للستاف اللى في المطعم فهو ممتاز جدا وعلى اعلى مستوى، ديكور كوتشينا بيحسسك كانك قاعد في ايطاليا مع الموسيقى الهادئة وانغام الجيتار والاضواء الخفيفة وانا بعتبر الديكور ونظافة المطعم من اكتر الحاجات اللى بتشجع الناس انها تروح كوتيشنا، وانا شايف انه لا ينقصه شىء الا زيادة عدد الفروع وانا شايف ان كوتشينا مطعم يستحق التجربة.
    المطعم الدوار

    30-10-2011

    من اشيك مطاعم القاهرة على الاطلاق واحسنهم في الفكرة، وانا بالنسبة لى بعشق الفرع اللى في جراند حياة، بالنسبة للمطعم بشكل عام فالمطعم احسن حاجة بالنسبة لى انه بيلف بيخليك تشوف القاهرة بالكامل منظر رائع جدا، ده غير ان المكان من جوة هادي اوى والموسيقى اللى فيه هايلة يعنى وانت جوة المطعم الدوار تحس انك بعيد اوى عن الزحمة والدوشة، بالنسبة للاكل فالمطعم متخصص فالمطبخ الفرنسي وانا اكتر حاجة جربت اكلها من هناك هي السمك وصدور الفراخ بالصوص، الاسعار غالية طبعا وده بيرجع لفكرة المكان ولكن بجد هو يستاهل، فيه تحت باركينج، الستاف هايل، المطعم نظيف جدا، انا رايي انه من افضل مطاعم القاهرة على الاطلاق.
    دراجون هاوس

    30-10-2011

    دراجون هاوس من المطاعم اللى بتعمل اكل صيني كويس اوى وانا صراحة بحب دراجون هاوس جدا عن اى مطعم صيني تاني لانه يعتبر ارخصهم من حيث السعر وتقريبا افضلهم بجانب بكين وشاو، بالنسبة للمطعم من الداخل فالستايل ممتاز جدا والصور والرسومات اللى بالصيني تحسسك كانك قاعد في الصين، اكتر حاجة تحب تاكلها هناك وانا شايف انها احسن حاجة هناك هي السوشي والخضار بالفراخ، الستاف اللى جوة متميز جدا وناس محترمة، المطعم نظيف جدا فيه بره المطعم كذا مكان تركن فيه والشارع غالبا بيبقى فاضي، الاسعار زي ما قولت ممتازة، وهو في رأيي مطعم رائع يستحق التجربة.
    لو كرنفال

    30-10-2011

    لو كرنفال من اشيك وافضل محلات الحلويات في مصر، ولكن برغم من كدة انا شايف انه لفئة معينة صراحة، وده لان اسعاره غالية جدا جدا، طبعا هي الحاجة اللى هناك مفيش يمكن زيها في مصر ولكن الاسعار هناك غالية بطريقة رهيبة لدرجة اني مرة شفت علبة شوكولاتة كان تمنها حوالى 1200 جنيه، بالنسبة بقة للحلويات فاحلى حاجة تورتة الفواكه والشوكولاته والبسبوسة وفعلا احلى حتة في مصر ممكن تجيب منها حلويات، الستاف اللى جوة محترم جدا والناس اللى بتشتري من المحل نفسه ناس راقية جدا، وانا شايف انه العيب الوحيد الكبير اللى هناك هو السعر لكن غير كدة لو كرنفال لا يعلى عليه في مجال الحلويات.
    لو ستيك

    30-10-2011

    لو ستيك من المطاعم الشيك جدا جدا اللى في الزمالك وانا صراحة بحب اروحه على طول، واكتر حاجة تشدك هناك هي الاكل، الاكل هناك رائع جدا جدا و فيه قسم خاص بالاكل الفرنسي وانا بحب اكل هناك الاسكارجوت ورز بالكاري والسمك المقلي، بالنسبة للمكان ف هو رائع جدا جدا ويكفي انه جوة مركب الباشا وجوة المطعم نفسه الديكور شكله حلو والموسيقى هادية، الستاف اللى جوة على اعلى مستوى من الكفاءة ولاحظت انهم بيتكلموا اكتر من لغة، الادارة هناك محترمة جدا، انا شايف ان لو ستيك مطعم لا ينقصه شىء ومن اكبر المطاعم اللى موجودة في مصر واللى مجربهوش بجد هيخسر كتير.
    بريجو

    30-10-2011

    بريجو يعتبر من احسن المطاعم اللى موجودة في مصر، صراحة انا اخر مرة جربته كانت من سنة ودي تقريبا المرة الوحيدة ورأيي انه فعلا مطعم حلو جدا والاكل حلو جدا جدا وخصوصا المشويات زي الميكس جريل والطاووك والكفتة المشوية، الستاف اللى جوة محترم جدا وعلى مستوى عالى من الكفاءة، افضل فرع بالنسبة لى هو فرع المطبعة اللى في الهرم وفرع المعادي بس رغم ان فرع المطبعة قريب بالنسبة لى الا ان بيبقى فيه مشكلة في ركنة العربية عشان الزحمة عشان كدة انا بحب فرع المعادي، بالنسبة لنظافة المطعم فهي حاجة محترمة، الاسعار تعتبر غالية الي حد ما وتقريبا ارخص حاجة هناك ب 40 جنيه، بس رايي ان بريجو مطعم لذيذ وانصح الناس انها تجربه.
    يلو ميديا, يلوبيدجز مصر المحدودة

    30-10-2011

    موقع يلو بيدجيز هو الدليل الاشهر في مصر، زمان لما كنت عايز تجيب نمرة حاجة تتصل بالدليل وشغلانة طويلة دلوقتى تقدر وانت قاعد في البيت تجيب نمرة وعنوان وتفاصيل وفروع اى حاجة انت عايزها بكل سهولة، و برده من الحاجات المهمة اوى في شركة يلو بيديجز هي انتشار الفروع انا جمب بيتي فرع ليهم وكتير اوى وانا ماشي في الشارع بلاقي فروع كتير اوى، طريقة الدعايا والاعلان للموقع رهيبة مثلا زي المسابقة اللى معمولة دلوقتى دي بتساعد اوي في نشر الموقع و دي احد الطرق الذكية جدا في التسويق، الموقع بتاع يلو بيدجز بيدخلوا ناس كتير جدا واحسن حاجة انه معمول عربي وانجلش، ده غير انك ممكن تعلن عن اي حاجة من خلالهم، صراحة يلو بيدجيز شركة عالمية محترمة واتمنى لها كل التوفيق.
    موباكو

    30-10-2011

    موباكو من اروع محلات الملابس اللى موجودة في مصر في رايي وتقريبا اكتر محل بشتري منه صيف او شتاء، الميزة اللى جوة هو ان موباكو فيه كل اللبس اللى ممكن ييجي على بالك سواء كان كاجوال او كلاسيك، القمصان اللى جوة مفتكرش انك هتلاقي اشيك منها في اى محل تاني وفي نفس الوقت خامة مميزة جدا يعنى جامع ما بين اهم ميزتين يشدوك انك تشتري، طبعا ده بجانب السويت شيرتات او الجينز او البنطلونات القماش أو كل اللبس اللى ممكن يخطر على بالك، بالنسبة للاسعار فهي ممتازة جدا وخصوصا الجينز، الناس اللى جوة في قمة الاحترام وبجد يخلوك عايز تشتري من عندهم، انا بحب موباكو قوطونز وياريت انتوا كمان تروحوا تجربوه.
    نادى 6 اكتوبر الرياضى

    30-10-2011

    نادي 6 اكتوبر من افضل النوادي اللى اتعملت في السنين الاخيرة اللى فاتت، وانا شايف انه نادي متميز في كل شىء ولا ينقصه اي شىء، واكتر شىء بيميزه عن اي نادي اخر هو: المساحة الكبيرة التي يتمتع بها النادي، المساحات الخضراء المنتشرة في النادي بالكامل، اكبر حمام سباحة في مصر وفعلا ناس كتير جدا بتشكر في حمام السباحة بالذات، الموقع المتميز بمدينة 6 اكتوبر واحسن حاجة هناك الهواء ده غير انه بعيد عن الزحمة والدوشة، الكافيتريات الكتيرة اللى جوة النادي، الادارة المحترمة اللى محافظة على شكل النادي بقالها سنين، وانا شايف ان نادي 6 اكتوبر من افضل الاندية المصرية.
    جولى للبصريات

    30-10-2011

    جولى اوبتكس من اروع محلات النظارات في مصر واكثرها انتشارا ومن اكتر المحلات اللى بتعمل عروض صيفية حلوة اوى على نظارات الشمس، ميزة جولى اوبتكس انه بيجمعلك اشيك ماركات نظارات وخاصة الايطالى وبيقدملك فيها احسن سعر، كذلك النظارات النظر بتبقى اصلية وتشكيلة متنوعة عشان ترضي كل الازواق وبيظبطلك النظارة تمام من حيث جودة العدسة، الناس اللى شغالين جوة محترمين جدا وادارة المحل نفسها ناس محترمة، الحاجات اللى جوة تشجعك انك تروح على طول، العروض مستمرة صيف وشتا لدرجة ان كان فيه عرض من 3 شهور اشتري نظارة وخد واحدة مجانا وده طبعا عرض قوى جدا لان مش اي محل نظارات اصلية بيعمل كدة، فروعه منتشرة في كل حتة وانا بفضل فرعين هما سيتي ستارز ومول العرب، و اخيرا انصح كل الناس انها تجرب جولى اوبتكس.
    جاب

    30-10-2011

    جاب من ماركات اللبس المميزة جدا على مستوى العالم، وانا شايف ان افضل حاجة ممكن تشتريها من جاب هي السويت شيرتات والاحذية، بجد بيبقوا على مستوى عالى جدا من الجودة وتقريبا دي بتبقى من افضل الحاجات اللى بتجيبها وبتعيش معاك، بالنسبة لفروع جاب فهي بتبقى واسعة جدا وبيبقى كل قسم لوحده وفيه حرية اختيار كبيرة جدا ليك من جانب الستاف وبيساعدك في اختيار الحاجة اللى تنسابك، الاسعار جوة غالية ماعدا التيشيرتات اسعارها كويسة، الفروع قليلة الى حد ما واكتر فرع بحبه هو فرع مول العرب من حيث الوسع ومن حيث ان المول بيوفرلك باركينج واقرب مسافة بالنسبة لى، وانا بنصح كل الناس انها تجرب جاب.
    بولو

    30-10-2011

    بولو من الماركات الكبيرة والعالمية اللى الواحد بيحب دايما يشتري منها، وصراحة بولو فيه كل انواع اللبس اللى ممكن تييجي في بالك بداية من التيشيرتات والسويت شيرتات والكابات والجزم والكوتشيات و المحافظ والاحزمة والشرابات والجواكت والجيليهات والبولو شيرتس، بالنسبة لماركة بولو فهي من اشهر الماركات على مستوى العالم ومن افضل ماركات اللبس في رايي من حيث الالوان و تنوع الاشكال وان الهدوم مش بتكش بعد ما بتتغسل، الستاف اللى جوة محترمين جدا جدا وفاهمين في اللبس والمقاسات واحتياجات كل واحد، الفروع منتشرة وانا بفضل فرع جراند مول عشان الركنة والمول نفسه، الاسعار غالية الى حد ما ولكن نظرا لجودة الخامة فانا شايف انها مقبولة، وصراحة انا شايف ان بولو ماركة رائعة بكل المقاييس وتستحق التجربة.
    نايل لى لى

    31-10-2011

    نايل لي لي من المراكب النيلية الحلوة جدا واللى عملة شكل حلو لمنطقة المنيل، انا صراحة روحتها مرة واحدة بس وده طبعا لانها غالية جدا تقريبا 300 جنيه ولكن بيتعمل عروض كتير من وقت للاخر وخصوصا في رمضان وبنزل السعر ل 150 و200 جنيه وده طبعا كويس، طبعا جوة بقة الاكل على اعلى مستوى وفيه فقرات جوة المركب نفسها ده غير الموسيقى ويكفي انك بتاكل وانت ماشي في النيل ومن افضل الاطباق اللى هناك الموندو والمحاشي والكباب، الخدمة تحفة، المطعم هادي جدا والناس اللى جوة مستويات راقية اوى، وانا شايف ان كل شىء هناك كويس عدا السعر اللى بيتوقف على العوامل اللى قولتها فوق و صراحة انت لو روحت نايل لي لي انت وفرد اخر هتدفع حوالى 600 جنيه بس وعن تجربة هيبقى واحد من افضل ايام حياتك.
    ذا مغول رووم

    31-10-2011

    واحد من افضل المطاعم الهندية القليلة في مصر، بيقدم احلى اكل هندي ممكن تاكله زي مثلا التندوري وفراخ التكالاماسا، بالنسبة بقة للخدمة فهي محترمة جدا جدا وناس على اعلى مستوى من الكفاءة، ستايل المطعم والديكور والصور اللى على الحيطة على الطريقة الهندية والجو هناك حلو جدا واحلى حاجة انه قريب من الاهرامات، ده غي انه في فندق من الفنادق المعروفة وهي مينا هاوس ومفيش مشكلة خالص من حيث الركنة والدخول، الاسعار غالية والمينيمم تشارج 150 جنيه وده طبعا يعتبر غالى، من الحاجات الحلوة اللى هناك العصاير الفريش زي البرتقال والتفاح، ولكن انا شايف انه مطعم رائع ويستحق التجربة ولا ينقصه شىء الا تخفيض المينيمم تشارج.
    كان زمان

    31-10-2011

    كان زمان من المطاعم اللى بتقدم وجبات شرقية لذيذة جدا وليها شهرة كبيرة اوى، وانا شايف ان الاسم"كان زمان" لايق عليه جدا وبيفكرك فعلا بالاكل المصري بتاع زمان، احلى حاجة تاكلها هناك هي الفتة والحمام المحشي فريك، بالنسبة للستاف اللى هناك فهو محترم اوى اوى، اما بالنسبة للنظافة فالمطعم ما شاء الله نظيف جدا، الموقع اللى فيه المطعم متميز جدا وفي شارع الثورة اللى في مصر الجديدة ومتقلقش فيه باركينج، بالنسبة للتيك اواى فانا جربته مرة واحدة بس للاسف الاوردر اتاخر اوى مش عارف هل لبعد المسافة ولا ده تقصير، عموما هو مطعم جيد جدا وانا انصح عشاق الاكل المصري القديم بتجربته.
    سلسلة مطاعم كاستن

    31-10-2011

    كاستن من افضل مطاعم السي فود اللى في القاهرة، مطعم متميز بجد وكل انواع السمك اللى تتخيلها على مستوى عالى من الجودة، افضل حاجة في كاستن في رايي هو السمك المشوي بانواعه، المطعم من جوة الديكور كويس واستايل المحل كويس، الستاف اللى جوة محترم اوى اوى، المطعم من جوة هادي جدا، المطعم ضيق الى حد ما، الاسعار تعتبر معقولة مش رخيصة ومش غالية، المطعم نظيف جدا، ينقصه زيادة عدد الفروع وزيادة الدعاية والاعلانات للمطعم، ولكن انا شايف ان كاستن مطعم رائع واتمنى من الادارة زيادة الفروع بالقاهرة والمحافظات الاخرى والدعاية وتوسيع المطعم.
    النساجون الشرقيون

    31-10-2011

    النساجون الشرقيون اكبر محل سجاد في مصر بلا منازع، وده طبعا بيرجع لعدة اسباب في رايي منها مثلا جودة السجاد ودي احسن حاجة ده غير الرسومات والتصاميم المتنوعة والعصرية اللى بتتغير من وقت للتاني، ايضا اللى بيميز النساجون الشرقيون هو عروضها المتميزة جدا جدا وانا شايف ان ده تقريبا اكتر محل سجاد بيعمل عروض وتخفيضات مستمرة ورائعة تصل احيانا الى 70%، وايضا انتشار الفروع عامل مهم وتقريبا النساجون الشرقيون مفيش حتة في مصر مش موجود فيها، والعمال اللى جوة محترمين جدا وبيساعدوك، باختصار النساجون الشرقيون انجح محلات السجاد في مصر على الاطلاق.
    سمايلز جريل

    31-10-2011

    سمايلز جريل من المطاعم التيك اواى الناجحة جدا في رايي وده لانه متوافر فيه كل شروط مطعم التيك اواى الناجح زي مثلا: النظافة ودي هناك احسن حاجة لان معظم مطاعم التيك اواى مش بنفس درجة نظافة سمايلز جريل، الاكل جوة حلو جدا وفيه تقريبا كل انواع الساندوتشات من برجر وطاووك وجمبري يعنى تقريبا المينيو فيها كل ساندوتشات التيك اواى، اسعاره كويسة جدا انا فاكر جبت مرة كومبو برجر مع بطاطس وبيبسي كان بحوالى 27 جنيه والوجبة كانت فعلا كومبو، بالنسبة للستاف فهو محترم اوى اوى، عيبه انه مفيش ركنة قدامه للاسف، وغير كدة انا شايف ان الدعاية نقصاه الى حد ما وياريت ادارة سمايلز جريل تحاول تزود الدعاية، ولكن انا شايف انه من انجح مطاعم التيك اواى.
    مطعم لا فيراندا

    31-10-2011

    لافيراندا مطعم ممتاز جدا، انا اكلت فيه مرة واحدة بس طبعا لاني بنزل شرم كل سنة مرة، بس المطعم بجد عجبني جدا كل حاجة فيه ممتازة، وجوة فندق الشيراتون حاجة على افخم ما يكون، والموقع بتاعه جوة خليج باشا يعنى احسن منطقة في شرم تقريبا، بالنسبة للمطعم من جوة فهو فاخر جدا وشيك اوى والاكل اللى جوة معظمه فيجيتريان واحسن حاجة تاكلها من جوة البان كيك واللحمة الباردة، الاسعار غالية جدا لانها سياحية وفي شرم الشيخ ولكن زي ما الاسعار غالية بس كل حاجة جوة ممتازة والخدمة كمان رائعة جدا جدا الستاف اللى جوة محترم، طبعا المطعم من جوة شيك اوى ونظيف على طول، وانا برشح لافيراندا لكل اللى مسافر شرم الشيخ ونفسه يقعد في مطعم كويس.
    مكة للبصريات

    31-10-2011

    مكة من محلات النظارات المتميزة اوى سواء كان نظر او شمس وعندهم جوة كل انواع النظارات اللى ممكن تتخيلها، اسعارهم كويسة جدا وفيه عروض مستمرة والنظارات اللى هناك كلها اصلية، انا جبت من عندهم نظارة واي فارير ريبان وبقالها معاية سنة بجد تحفة ومفيهاش خدش والعدسات مريحة جدا جدا، اما بقة بالنسبة للنظارات النظر فجوة شيك جدا وانا على طول بجيب النظر من مكة او العزبي بس مكة اكتر عشان العزبي غالى، النظارات النظر عندهم تمام برده والعدسات بتطلع مظبوطة بالملي واحلى حاجة ان انت بتعمل النظارة وتستلمها تقريبا يا اما في نفس اليوم يا اما بعدها بيوم بالكتير، وانا شايف ان مكة محل رائع سواء نظر او شمس.


    31-10-2011

    باسكوا من المطاعم والكافيهات الشيك اوى والقريبة جدا مني، احسن حاجة في باسكوا انه بيعمل عروض كتير اوي على المشروبات وكتير اوى بينزل المينيمم تشارج بتاعه وخصوصا في الاجازات وتقريبا بينزل من 50 ل 25 جنيه وده طبعا يعتبر رخيص جدا بالنسبة للمكان، المطعم او الكافيه ان صح التعبير شيك جدا جدا وميزة باسكوا في الجو اللى جوة والموسيقى ده غير الستاف اللى جوة محترمين اوى وكلهم بيبتسموا على طول، المشروبات بقة كلها حلوة وانا بحب اشرب هناك اورانج جوس لانه على طول فريش و كمان قهوة تركي، بالنسبة بقة لركنة العربية ففي جزء كدة قدام الكافيه بيبقى فاضي عشان تركن فيه و انا صراحة مرحتهوش قبل كدة وكان زحمة، نظافة الكافيه وشياكتوا يخلوك عايز تروحه تاني وتالت.
    على بابا كافيه

    31-10-2011

    على بابا يعتبر اتنين في واحد يعنى كافيه ومطعم في نفس الوقت ولكن انا بحب اكتر المشروبات اكتر من الاكل في على بابا، بالنسبة للمطعم جوة فهو شيك جدا جدا وفي ارقى منطقة تقريبا في المعادي، بالنسبة للكافيه فاحلى حاجة فيه انا جربتها هي النوتيلا لاتيه والكابتشينو مشروبي المفضل والشيشة وبالنسبة للحلو فانا بحب اكل دايما من هناك ام على وكريم كراميل، بالنسبة للكافيه اغلب اللى بيقعد فيه بيبقوا عرب، الستايل اللى جوة شيك، الاسعار تعتبر غالية يعنى لو هتخش تشرب حاجة سخنة مش اقل من 30 جنيه، ولكن انا شايف ان على بابا كافيه كويس وبنصح بتجربته.


    31-10-2011

    وصاية من محلات التيك اواى اللى اتعملت في اخر 12 سنة ونجحت نجاح غير عادي ووصلت لمحلات تيك اواى تانية كبيرة زي ماكدونالدز وكنتاكي ولكن زمان وصاية كان احسن من دلوقتي، بالنسبة للمطعم الاكل هناك لذيذ جدا وانا صراحة اكتر حاجة بحبها هي البرجر وعلى طول بجيب برجر كومبو وبطاطس وبيبسي ب 22 جنيه، المطعم من جوة نظيف جدا، التيك اواى مجربتهوش بس اسمع انه سريع، الستاف اللى جوة محترم اوى وشباب صغير بيشتغل، اكتر فرع بروحه هو فرع الهرم بحكم المسافة طبعا، المطعم زمان كان احسن من ناحية الدعايا والاعلان دلوقتى الدعايا قلت جدا عن زمان مش عارف ليه بس برده انا شايف ان وصاية من مطاعم التيك اواى الناجحة جدا.


    31-10-2011

    فود كورت من المطاعم المتميزة جدا في مجال الاكل اللبناني، وبما اني من عشاق الاكل اللبناني فاحب اقول ان احلى حاجة تجيبها من فود كورت هي كوسة ابلما وكبة نيه، طبعا دي اكتر حاجة الفود كورت في رايي متخصص فيها ولكن بشكل عام الاكل هناك كله حلو، مكان المطعم حلو جدا وسط البلد يعنى موقع متميز، مفيش ركنة للعربية ولازم تركن جوة الفندق، المطعم هادي اوى وصراحة عمري ما شفته زحمة، الناس اللى هناك محترمين اوى والستاف اللى هناك بيشتغل بكل جدية، المطعم نظيف، الديكور حلو اوى والمطعم كشياكة فهو رهيب وانا رايي ان فود كورت مطعم حلو اوى ولازم تجربوه.
    صبايا

    31-10-2011

    صبايا من اشيك فنادق القاهرة على الاطلاق ان لم يكن اشيكهم، ولكن للاسف غالى جدا جدا بس هو صراحة سر الغلاء بتاعه بيرجع لكذا سبب من رايي زي مثلا انه في اشيك حتة في القاهرة في جاردن سيتي وجوة فندق انتركونتيننتال كمان، بالنسبة للمطعم ف الاكل هناك رائع جدااا ومتخصص في الاكل اللبناني واكتر حاجة بحب اكلها من هناك الفتوش والكبيبة والسلطة الخضراء، الناس اللى بتشتغل جوة محترمين جدا وعلى مستوى عالى من الكفاءة والاحترام، فيه باركينج حوالين المطعم وممكن تركن جوة الفندق، ديكور المطعم هايل هايل اميريكان ستايل مع اضافة اللمحة الشامية، مطعم رائع بكل المقاييس.