مشهد علوي رائع لمدينة القاهرة.

مطاعم صالات طعام

  • ماكدونالدز Axtito كتب: طبعا ماكدولنز انا مش عارف اتكلم عنه فى اية لانة بجد من احلى المطاعم الموجوده و بجد كل حاجة فية بتقول انه مطعم عالمى و توكيل كبير فى كثير من الدول على مستوي العالم و طبعا مافيش حد ماجربشى مطعم ماكدولنز لانة بجد السندوتشات و الوجوبات عنده جميلة جدا ورائعة و احلى حاجة بجبها تقريبا كل ما اكون فى ماكدولنز هو الميلك شيك لان بجد احلى ميلك شيك بشربة هو الى فى ماكدونالز، والقعده بصراحة هناك جميلة جدا ورائعة و برتاح فيها بجد و ايضا المعاملة من العاملين هناك على اعلى مستوي من الكفائة و انا بجد نفسى اروحة كل يوم لانى بجد مش بالقى مكان فى الجوده و السعر الرائع ذى ماكدونلز. المزيد >>
  • مطعم ابو غالى للمأكولات البحرية عفاف كتب: بحب السمك اوى بكل انواعه اكتر حاجه بحبها بجد ولما بعوز اكل اكلة سمك بجد وتكون خطيره بتبقا من مطعم ابو غالى عنده المنيو بتاعه كله يجنن جربت منه كل حاجه وكل انواع الشوربات واكتر حاجه عجبتنى فيهااا اوووى الجمبرى بالطماطم والتوم والبصل والفلفل وشوربه الجندوفلى الروووعه ويا سلام على شوربه ابو غالى الخاصه بتبقا مزاج عااااالى اووووووووووووى بتبقا عباره عن سمك فيليه وجمبرى وكليمارى وكابوريا وجندوفلى يا نهااار على طعمها يجنن بجد وبيبقا مقطع عليها حتت جزر صغيره وعندهم سلطات برضو حكايه وساندوتشات الجمبرى بتبقا جامده برضو اووووى ومكرونات الجمبرى او الرز بالجمبرى وسمك السبيط والبورى وسمك موسى احلا يوم بحس فيه بان مفيش روتين فالاكل بتاع كل يوم هوه اليوم ده بيبقا يوم ممتع جدااا المزيد >>

مخابز ومعجنات وحلوى محلات

  • لو كرنفال muhammed كتب: محل حلواني محترم جدا و على اعلى مستوى و انا شايف انه من افضل محلات الحلوانية في مصر ان مكانش افضلها و كمان المحل تحفة ديكوراته حاجة مميزة جدا و شكله بيشدني جدا من و انا بره و لما بدخل جوه بلاقي رقي الدنيا كلها فيه و بجد المحل ده من اشيك المحلات في مصر و اللي بجد توضيبها عالمي و المحل بصراحة اكثر حاجة ملفتة للنظر فيه هي شياكته اللي ملهاش حل سواء في المحل او العاملين او حتى الحلويات اللي بيقدموها و اللي بيرصوها بشكل في منتهى الجمال و الروعة و اللفة اللي بيلفوها بتكون مميزة اوي و شيك جدا برضه يعني لو في اي مناسبة او في اي زيارة هتشرفك جدا بس اسعارة غالية جدا المزيد >>
  • لارين nor كتب: في يوم كنا بنتمشا بالعربيه شويا قريب من مسجد الحصرى فلفت نظر الاولاد مطعم جميل اوى ببص على اسمه لقيت اسمه لارين فالاولاد صممو انهم ينزلو عشان يتفرجو عليه فنزلنا من العربيه عشان نلف في المكان شويا ونتفرج عليه لقيناه مكان غااايه في الرووعه والجمال واضاءاته جميله جداا وفيه بحيره صغيره فيها طيور منظرها عجب الاولاد جداا وبقوا منبهرين بيهم وبالمكان كله فقعدنا وقولنا نقضى اليوم هناك علشان الولاد تستمتع بيه وكان فيه ملاهى عملنها حولين المطعم للاطفال فقعدوا يلعبو فيها وقعدت اصورهم وهما فرحنين اوى واتغدينا كمان. المزيد >>

مقاهى

  • كافيه جريكو kareem helm كتب: طعم القهوه رائع وتتميز بنكهة خاصة جدا ومختلفه والخدمه بجد متميزه جدا والمكان له شكل خاص كافيه فعلا جميل المزيد >>
  • سبورتس كافيه RezQawY كتب: مكان محترم وبيدي موضوع الرياضه حقها فعلا بحيث انك وانت قاعد فيه هتلاقي انه مفيش مشكله في المشاهده لانه كل حيطه عليها شاشه كيره تقدر تتابع عليها المباراه من غير ازعاج ولا تقول لحد يقوم من قدامك والجميل في المكان انك اللي انت عايزه تلاقيه من ناحية مباريات كرة القدم في كل دوريات اوروبا او كاس العالم او افريقيا وحتى مباريات الاهلي والزمالك الناس بتروح المكان ده عشان بيبقى جو رائع وتحس انك في الاستاد مع الفرق للافضل طبعا بس المشكله انه لما يكون مفيش ماتشات لازم برضه تدفع الحد الادنى للمشاريب يعني ممكن تاخد بالباقي علب كانز وانت ماشي او تسيبهم جدعنه للي موجودين فياريت يقللو الحد الادنى شويه. المزيد >>

نوادى

  • نادى الاسكندرية الرياضى سبورتنج Tito كتب: أنا مليش في الكورة خالص, لكني نادي الاسكندرية الرياضي سبورتنج يعتبر من النوادي الكبيرة في اسكندرية وأقدمهم ومكانه في سيدي جابر طريق الحرية سبورتنج. النادي نضيف جدا من جوه وفريق الكرة الاول بتاعه دايما فريق متميز وبيحصد بطولات محلية كتيرة. النادي انا كنت رحته قبل كده وانا صغير ولعبت كورة انا ومجموعة من اصدقائي في الملعب الكبير بتاعهم وكان يوم ما يتنسيش فعلا والدنيا كانت مطرت علينا حتى اننا كملنا لعب رغم ان الدنيا بتمطر حتى ان واحد صاحبي اصيب ووقع ع الارض بسبب المطر بس الحمد لله عدت على خير. المزيد >>
  • نادى الرواد الرياضى الاجتماعى cap m sparrow كتب: نادى الرواد الرياضى، النادى موجود بمدينة العاشر من رمضان التابعة لمحافظة الشرقية، النادى به حمام سباحة اوليمبى، النادى العضوية فيه حاليا ب 21000 جنيه وغالبا حتزيد خلال اشهر وحتوصل ل40000 جنيه،الدخول لغير الاعضاء ب10 جنيه انا شخصيا عضو فى النادى من زمان،ميزة النادى ان مساحته واسعة وقعداته كتير وجوه رائع نظرا لان جو العاشر جميل ونظيف، النادى سهل توصل له، النادى مميز جدا بلقاءاته وحفلاته لانه اسبوعيا بيستضيف شخصيات شهيرة فى كل المجالات،دة بخصوص الندوات يعنى كل اسبوع شخصية دينية او سياسية او فنية غالبا، ده بخلاف الحفلات اللى بتتعمل فى كل مناسبة تقريبا،النادى كمان بينظم رحلات لشرم وغيره للاعضاء وغير الاعضاء والسعر للاعضاء بيقل حوالى 10% عن السعر لغير الاعضاء. المزيد >>

ملاعب واماكن ترفيه

  • الازهر بارك محمود ناجى كتب: الازهر بارك اجمل وافضل بارك فى جمهورية مصر العربية والشرق الاوسط. بجد المكان هناك جميل جدا واكثر من رائع. انا على طول انا واصحابى خروجتنا بتبقى هناك انا بحب اروح هناك كتير وخصوصا فى الصيف والاعياد. المكان هناك عبار عن كتلة من الاراضى الخضراء ومعمولة بمناظر جميلة جدا. غير انها موجودة فى موقع متميز جدا وكمان منطقة سياحية واثارية عريقة. ما اعتقدش ان فى حد فى مصر مارحش الازهر بارك قبل كدة بجد بجد المكان جميل جدا. ده غير سعر تذكرة الدخول رخيص جدا وفى متناول الجميع وكمان المكان هناك بيحتوى على عدد من المرتفعات الخضراء اللى بتكسبه روعة وجمال. بجد اى حد ما رحش الازهر بارك قبل كدة لازم يروح ويجرب بنفسه. المزيد >>
  • الازهر بارك Tito كتب: السنة اللي فاتت كنت شغال في مكان خاص والمكان وادارته حبو يبقى لينا دور اجتماعي قوي ولو حتى بأقل القليل. فكان اننا جمعنا من بعض مبلغ بسيط كان من 10-20 جنيه ورحنا على دار للايتام وخدنا الاطفال في اتوبيس كبير جهزناه للمهمة دي ورحنا بيهم في فسحة يوم جمعة في الازهر بارك. فعلا كنت اول مرة اروح الازهر بارك لكني متخيلتش ابدا ان ممكن يكون في على ارض مصر جنة زي اللي شفتها دي. الاطفال حسيت فعلا اني مش بس اخوهم لا حسيت كمان اني اب ليهم وكان معانا زميلاتنا في الشغل اللي فعلا قامو بدور امهات ليهم اللي اتحرمو من بابا وماما. وكان يوم جميل والكل استمتع والحمد لله كان يوم رائع. المزيد >>

سينما ومسارح

  • سينما امير Forrest كتب: من السينمات الي موجودة في طنطا بس منسحش عائلات تدخلها لانها مش بنفس مستوي سينمات تانية موجودة و ممكن تدخلها في طنطا بس هيا بتعرض افلام كتير في عرض واحد يعني ممكن تلاقي 3 افلام في عرض واحد علي حسب وبالذات في الاعياد المزيد >>
  • سينما السراج سيتى مول Traveler كتب: السراج كمول أي واحد لازم يروحو و هو صغير يمكن لأن مفيش مميزات للشباب زي ما للصغار إلا الحاجة ال تنفع الأتنين هي السينما بجد السينما بعد ما أتجددت بقت حلوة جداً بلس أنهم تخصص أفلام عربي يعني أي فيلم عربي ينزل هتلاقيه هناك و لو لقيته إتشال من باقي دور العرض هتلقيه لأن في السراج 5 دور عرض و 20 جنيه التذكرة البقت ب30 جنيه في سينمات تانية المزيد >>

لياقة بدنية مراكز

  • مركز سامية علوبة للياقة البدنية والرقص motaz hesham كتب: مركز سامية علوب افضل مركز تجميل ورقص في مصر وغني عن التعريف انا اخواتى بيروحوه افضل شىء بيميز هذا المركز النظافة و توافر الامكانيات والمعاملة الجيدة والاستقبال وان كان ينقصه ضيق مساحة النادي الرياضي وموقعه المتميز في ارقى شوارع المعادي في القاهرة والمدربين اللى على اعلى مستوى من الكفاءة وطبعا المركز ده بما انه من افضل مراكز التجميل في مصر ف بيروحه فنانين مشهورين كتير انا اختى شافت هناك منى ذكي قبل كدة وكتير اوى من زوجات المشاهير ،، صراحة من كتر م اتحكالى عنه انا متاكد بدرجة كبيرة جدا ان ده افضل مركز تجميل في مصر وان مفيش افضل منه على الاطلاق . المزيد >>
  • سولارس muhammed كتب: المكان ده من اجمل الاماكن في القاهرة اللي فكرتها مميزة اوي انه نادي خاص بس بالسيدات و فيه ملعب و حمام سباحة و مبنى اجتماعي و مركز تجميل و جاكوزي و سبا و ساونا و العاب كتير نسائية زي التنس و الاسكواش و الكرة الطائرة و غيرها و الفكرة دي ممتازة جدا لأن ناس كتير بتخاف من الاختلاط و ايا كان المعتقد و صح او غلط لازم نحترمه و نوفرله حاجة تريحه و ده اللي حاصل في المكان ده بس للأسف الحلو مايكملش و سعر الاشتراك هناك غالي جدا لأن مستوى المشتركين هناك راقي جدا و باتالي ده بيحدد سعر معين علشان يفضل المستوى زي ما هو بس برضه ده بيحرم طبقة كبيرة جدا من التجربة دي المزيد >>

سبا

  • هيلث كلوب بلو بوول اند سبا Midohabib كتب: جوا فندق سفير في الدقي فيه نادي هايل جدا، النادي اسمه بلو بوول ودة نادي صحي وجيم وفيه حمام سباحة وسبا بأسعار معقولة جدا منتجع صحي، وفيه كمان جيمانزيوم، وكمان حمام سباحة الجيمانيزيوم مجهز بكل الأدوات الرياضية ووسائل اللياقة ومعظم أجهزة التمارين وبالنسبة للسبا فيه حاجة مشهورة اسمها علاج الـ45 دقيقة بالأعشاب مقابل 100 جنيه، وفيه علاج الوجه الـ "بيفونيا ميني فاشيال" بـ 85 جنيه بس. وحمام السباحة مساحته كويسه جدا وحواليه كراسي هايلة جدا وكافييه ومشروبات بس هتستني شوية لو مش عامل حجز الأول. يبقى الأفضل تحجز قبل متروح على فكرة أنا معايا رقم التليفون للي عايز يحجز 0237482424. المزيد >>
  • ويلو ستريم سبا asalam كتب: «ويلو ستريم سپا» فتح قريب في فندق فيرمونت نايل سيتي، موجود في الدور الأول تحت حمام السباحة بتاع الفندق اللي على الرووف، وده له منظر جميل مُطل على البلد. يعني في يوم الجو فيه صافي، تقدر تشوف الأهرامات من على بعد. اول ما تدخل السپا العصري هـ تلاقي العاملين هناك بـ يرحبوا بك. على الشمال هـ تلاقي السپا وعلى اليمين هـ تلاقي مركز التجميل وصالة الچيم. فيه كمان محل صغير تقدر تشتري منه المنتجات اللي بـ تُستخدم في السپا والشباشب، أرواب الحمام، ومجموعات الهدايا.السپا فيه جناحين مختلفين واحد للرجال وواحد للنساء، لكن لو عاوزين جلسة علاج ثنائي تقدر تحجز غرفة خاصة. الغرف الخاصة مكونة من ترابيزتين علاج وبانيو واسع، تقدر تأخذ فيه حمام باللبن أو العسل. خلف مكتب الاستقبال فيه لاونج اللازورد، وده للرجال والنساء. المزيد >>

صيدليات

  • صيدلية د. سحر simo كتب: صيدلية العيلة عندي :) يعني تعاملاتي معاها علي طول عشان هي جنبي الدكتورة سحر دكتورة ذوق جداا ومحترمة هي اللي بتبقي في الصيدلية كل يوم لحد الساعة 6 وبعد كدة جوزها هو اللي بييجي بصراحة بتفيدني اوي في حاجات كتير يعني عندها دراية بالادوية ولو عندي مشكة بتقوللي اعمل ايه ولو محتاجة دكتور مثلا بتقوللي اني لا مستناش ومش اشتري علاج واروح للدكتور احسن وكمان لو تعرف دكتور كويس بتقوللي عليه وكمان لو انا مثلا محتاجة علاج معين ومش موجود عندها بتقوللي خلاص هتصل بالشركة وتجيبهولك علي اخر النهار مثلا يعني بتعمل اللي عليها وزيادة بس هي مشكلتها ان ايديها تقيلة شوية في الحقن. المزيد >>
  • صيدلية العزبى omar كتب: مش في المعادي بس انا جربت فرع المهندسين ومصدق كمان رائع . المزيد >>

اطباء

  • د. محمد جوهر gohar كتب: مركز الدكتور محمد جوهر لطب الأسنان في ميدان الساعة مركز ممتاز جدا و أهم ما لفت نظرى فى هذا المركز النظافة الفائقة و التعقيم الممتاز. المزيد >>
  • عيادة د. علا عبد العال الكمشوشى mayora كتب: ana 3mlt 3nd dr. 3ola meso therapy, a5dt 12 galsa 3ndha 3ashan sh3ry yb2a akwa w healthy aktar, ana m5lsa elglsat mn 7awaly esbo3en, elsara7a lsa elnatega mzhrtsh awy w msh 3arfa b2a hi7sl taghier wla l2, bs hya mashhora w ana 2olt agrab bs msh 3arfa lih elnatayeg bate2a awy kda, w a5dt marham brdo l 7ab elshabab w da gab natega 7lwa gdn, ana mknsh 3ndy 7bob keter y3ny bs ely kan mawgod ra7, w hya eladwya ely btst5dmha btb2a mostwrda w kwisa bs tab3an ghalia, w blnsba llas3ar f elkashf 3ndha b 80 geneh المزيد >>

مستشفيات ومراكز طبية

  • مستشفى قصر العينى القديم sara كتب: مش عارفة اقول ايه الصراحة, يعنى هوا اللى يدخل القصر العينى هيشوف حالة يرثى لها, سواء حال المرضى او حال المستشفى نفسها بكل ما فيها, يعنى مثلا انت تدخل القصر العينى تحس انو مفيش حد سليم فى مصر, وكمان المكان قديم جدا ومش عاوزين يجددوه وطبعا كلنا عارفينو عامل ازاى من جوا انا اختى كانت بتعمل بحث هناك جت تعبانة نفسيا مش شكل المكان والغرف, بس من ناحية الدكاترة فبعض الاطباء هناك ممتازين ومعاملتهم كويسة بس ده لو مكانتك الاجتماعية كويسة واضطريت اوى انك تروح القصر العينى, يا ريت حال المستشفى دى يتصلح لانو اول ما اتعملت خالص مكنش فى بعدها اى مستشفى. المزيد >>
  • مستشفى الجيزة الدولى abdelrahman gamel كتب: االمستشفى دى ياجماعة بجد جامدة فيها الخدمة كويسة اوى انا كنت هناك بزور واحد صحبى كان تعبان شوية بصراحة الخدمة هناك كويسة اوى غير اى مستشفى بجد الدنيا هناك كويسة ومفيش اى اهمال بجد والممرضات هناك كويسين شايفين شغلهم صح وفيها باقة بجد من الدكاترة على درجة عالية من الكفائة وبتلاقى بجد الدكتور فى اى وقت او العناية هناك جامدة جدا وكل الناس بصراحة بتشكر فيهم على الخدمة اللى هناك ومش غالية اوى يعنى بالنسبة للمستشفيات الكبيرة اللى هنا فى مصر اوانا رحت هناك عملت قبل كدة كشف على عينى كان فى دكتورة هناك متخصصة عيون بصراحة دكتورة كويسة اوى وفاهمة فى شغلها اوى وبصراحة المستشفى على مستوى عالى جدا من التجهيزات الطبية والكفاءة العلمية والطبية والمستشفى كمان نظيفة قوى وبيهتموا فيها بالمرضى بشكل كويس المزيد >>

يعرض الان فى السنيما

(عرض الكل)

أخبار

أهم الأخبار

3 مشاهد من مصر يوم 24 يوليو: نجيب يتلو بيانًا «شديد....  المزيد >>

''مصراوي'' في منزل الأول مكرر فى الثانوية العامة....  المزيد >>

لاجئ سوري يقتل شخصا ويجرح اثنين بساطور في ألمانيا  المزيد >>

خبر في الجول - كوفي يغادر القاهرة غاضبا من الزمالك  المزيد >>

اقرأ المزيد >>