مشهد علوي رائع لمدينة القاهرة.

مطاعم صالات طعام

  • سيلنترو abd el rahman كتب: سيلنرو مطعم مصري علي طراز اجنبي بيعجبني فيه اوي الميوزيك الاجنبي اللي بيتشتغل فيه وبيعجبني الضوء اللي بيتمتع بيه سيلنترو كان وش الخير عليا في اول مرة بابا يقابل فيه خطيبي و عجب بابا اوي انه فيه قسم للمدخنين وقسم للغير مدخنين بس اللي مش عجبه انه ماكانش فيه قهوة تركي انا روحته تقريبا 3 مرات وكمية الناس اللي هناك توضح قد ايه هو رائع وكمان مستوي الخدمة عالي وعجبتني اوي الفراولة البيبرمنت المشروب الجديد ده كان ساقع اوي ولذيد جدا مشكلته بقي الزحمة حواليه لانه في مكان حيوي جدا ومش بعرف اركن العربيه جنبه بس مش هنكر الجمال والنظافة اللي بيتمتع بيها سيلنترو المزيد >>
  • بيتزا هت Osha كتب: طبعا مفيش جدال ان بيتزا هت تعتبر واحدة من افضل واجمد مطاعم البيتزا الموجوده فى مصر. وزى محنا عرفين ان بيتزا هت هتلاقيلها فروع فى كل حته, يعنى مش هتدوخ عليها. ولكن احب فرع من كل فروع بيتزا هت ليه هو فرع المعادى شارع 9. انا بحب الفرع ده اوى لعده اسباب, اهمها ان الاصطف بتاعه لطاف جدا, مبيسبوكش ملطوع على ميجولك او يجبولك الاكل. على طول بتلاقيهم حوليك. وكمان بالرغم من ان المفروض ان البتزا بتاعت بيتزا هت بتتعمل بطريقه واحده فى كل الفروع ولكن مش عارفه ليه انا بحس ان فرع شارع 9 الافضل بين كل الفروع فى عمايل البيتزا ولذلك لما بحب اكل بيتزا بروح الفرع ده. المكان هناك نظيف ومرتب. افضل مكان او طاوله بحب اجلس فيها هى الطاوله اللى جانب الزجاج المطل على الشارع وذلك لكى استمتع بالاكل والفيو. اخر مرة زرت الفرع ده كنت خرجة مع اصحابى وكان يوميها فى عيد ميلاد واحده منهم, جبنلها من عندهم تشوكليت كيك ولما جينا نغنلها لقيت الاصطف بتاعهم حولينا وكانو بيغنوا معنا, فعلا اصطف جامد. المزيد >>

مخابز ومعجنات وحلوى محلات

  • جروبى Hero كتب: من زمان من ساعة ما كنت طفل صغير كان بابا بيكلمنى عن جروبى وقد ايه جروبى مشهور وكان بيقولى كبار البلد بس هما اللى كانوا بيروحوا جروبى علشان كدة اتولد عندى حلم انى اخش جروبى وبالفعل الحلم دة تحقق بدخولى لمحل من اكبر واعرق المحلات اللى ممكن تدخلها فى حياتك من حيث الطابع المعمارى القديم الذى يذكرك بطابع البناء فى القرن التاسع عشر من الخارج وبالداخل اول ما تجد هو موسيقى " الساكس فون "الرائعة التى معها تشعر بالراحة والاجواء الهادئة التى بالمحل تجعلك لا تريد الخروج من المحل بل بالعكس تذهب الى جروبى لكى تريح اعصابك. المزيد >>
  • لو كرنفال Aya كتب: لو كرنفال من احسن محلات الحلويات ومن احسن المحلات اللي من وجهة نظري بتقدم تورتة ايس كريم جبارة مش هتلاقي زيها في اي مكان تاني والتورت كلها عنده تحفه سواء في التورت او الجاتوهات او الحلويات الشرقيه او الغربية او الساليزونات طعمها يجنن بجد وخفيفة خالص مش زي الحلويات التقيلة ديه.. و طبعا المحل راقي جدا و شيك جدا فى كل حاجة بصراحة والنظافة فوق الوصف كل الأكل مغلف قطعة قطعة ومرصوص فى رفوف و الخدمة فوق الممتازه الناس هناك بتتعامل معاك بكل احترام و تقدير لأ هو فعلا ممتاز بكل المقاييس بس طبعا مشكلته الأساسسه السعر.. المزيد >>

مقاهى

  • كوستا كوفى haytham hamada كتب: هو كافيه مختلف تمام عن اى كافيه هو مميز جدا فى مكانه والاستايل بتاعه من الداخل واسعاره مناسبه جدا اى ركن من اركان الكافيه هادىء ومميز انا كنت دايما احب اقعد فى فرع الدقى وكنت متخوف انى اقعد فى اى فرع تانى بسبب انى كنت متعود على مشروب القهوه المظبوط من هذا الفرع وكانت بتعجبنى جدا لكن كنت فى وقت اضطرارى قابلت احد اصدقائى فى فرع باب اللوق وللامانه انا حسيت انى بشرب القهوه من نفس فرع الدقى ونفس السكر بجد مكنش فى اى اختلاف وهذا ما يميز اى كافى ليه اسم كبير عن اى كافى تانى وكمان طريقة المعاملة لاى عميل داخل الكافيه مهذبه جدا. المزيد >>
  • مطعم وكافيه سفرة harumisan كتب: مطبخ عالمي واكلاته لذيذة جدا وفيها حاجه مميزة ما دوقتهاش في مطعم قبل كده، ديكور المكان حلو جدا و شيك ومميز تحس ان السيراميك والمطعم لسة معمول ما بقالوش يومين لانهم بيهتموا جدا بالمكان هناك وبنضافته وبيهتموا بالعميل وبجودة الطعام بتاعهم والساندوتشات بتاعتهم خرافة. بيقدم كميات كبيرة هتشبعك وتمتعك جداً الخدمة قمة في الروعة أسعاره ممتازة بالنسبة للمطاعم التانية اللي زيه وكمان المكان من جوة ساحر زي ماقولتلكوا وهتحس بالراحه جواه وممكن اصلا تسيب الاكل وتقعد تتفرج علي المكان وتصوره من جوة. أفضل حرية في الطلبات ده حتي انك ممكن تطلب قطعة فراخ وتاخد على كل قطعة الصوص اللي انت عاوزه. المزيد >>

نوادى

  • نادى الزمالك للالعاب الرياضية disha كتب: ليست الكرة وبطولاتها ولا الانتصارات أو الأهداف والنجوم أجمل ما في الزمالك إنما الأجمل هو تاريخه حكايته ومشواره طوال تسعين سنة حروبه من أجل الكرة المصرية ومن أجل حق المصريين في ممارستها دون خوف وحقهم في إدارتها بأنفسهم بعيدا عن كل الغرباء والخواجات والأجانب وقد كان تمصير الكرة المصرية هو أغلي وأجمل وأهم بطولة حققها الزمالك لا يزال هذا النادي الكبير يستحق منا ما هو أهم وأكثر من مجرد رصد لبطولات أو اسماء وأهداف ولهذا لا يزال الزمالك يستحق رد اعتباره بعد سنوات طويلة مضت تخيل اثناءها الجميع جيلا وراء جيل أن الزمالك إن لم يكن في الأصل ناديا للخواجات فهو علي الأقل لم يقم بأي دور وطني مثل النادي الأهلي كذبة تحولت مع الوقت إلي واقع وبدت كأنها حقيقة وإن كنا علي استعداد أن نفهم أن تصحيح هذه الكذبة ورد الاعتبار التاريخي والوطني لنادي الزمالك لم يشغل أيا من فإن ما يصعب فهمه أو قبوله هو هذا الصمت الغريب والطويل الذي التزم به عشاق الزمالك وأنصاره وعشاقه من كتاب ومفكرين ومؤرخين و المهتمين بالتأريخ للكرة المصرية ومشوارها وحكاياتها كأنهم جميعا خافوا أن يفتحوا هذا الموضوع فاكتفوا بالزمالك كفريق للكرة وبقية اللعبات الأخرى وقرروا تجاهل ناديهم كمؤسسة لها دورها وتاريخها ومكانتها فوق أرض هذا الوطن ومنهم من وجدوا أن تصحيح حقيقة وتاريخ الزمالك أمر فوق طاقتهم وجهدهم واحتمالهم ! المزيد >>
  • النادى الاهلى haytham hamada كتب: النادى الاهلى من اعظم انديه القاره السمراء لانه نادى القرن الافريقى لانه هازم النادى الملكى وتالت انديه العالم ولديه اكبر نخبه من نجوم كره القدم فى مصر والوطن العربى ونادى صالح سليم ونادى الخطيب صاحب الكره الذهبيه الافريقيه للمصرى الوحيد نادى ابو تريكه امير القلوب ومعشوق كل الجماهير المصريه والعربيه والعالميه نادى هانى رمزى افضل المحترفين المصريين نادى اعرق البطولات جد اى مشجعش ولا بيشجع الاهلى فقد اكبر متعه تشجيع لاى مشجع كل اهلاوى بيتمنى انه يشوف ستاد النادى الاهلى زى ما كل العالم شاف واتفرج على اول قناه لنادى مصرى وعربى النادى الاهلى وكمان الاهلى ستورز الى الامام يانادى العظماء دائما. المزيد >>

ملاعب واماكن ترفيه

  • دريم بارك محمود ناجى كتب: طبعا كلنا عارفين مدينة ملاهى دريم بارك الموجودة فى مدينة دريم لاند. وما فيش حد يقدر ينكر ان مدينة ملاهى دريم بارك هى من اكبر واعظم واقدم مدن الملاهى فى مصر والشرق الاوسط. انا على طول بروح هناك انا واصحابى. موجود بها مجموعة من الالعاب العالمية انا ما بسبش لعبة الا لما العبها اكتر من مرة . انا بحب هناك الصاروخ و الاعصار و الكوندور وسباق السيارات. وكمان جواها مجموع من المطاعم المتميزة والجميلة واللى بتقدم الوجبات الجاهزة والسريعة. انا بروحها على الاقل 3 مرات فى السنة. وكمان سعات كتير بتنزل عروض على اسعار التذاكر بتبقى مغرية جدا. انا بنصح اى حد بيحب الترفيه او اى حد يحب يخرج هو وعائلته واولاده انه يروح هناك. المزيد >>
  • دريم بارك harumisan كتب: احلي ملاهي في مصر كلها احلي حاجه فيها انها للكبار اكتر من الصغار مفيش اكتر من الالعاب الخطر اللي فيها وبالذات اللعبتين اللي ضافوهم جداد اللي هيا التورنيدو واللي بتعني بالعربي الاعصار ولعبة تانية كده مش فاكر اسمها ايه بس جامدة جدا، الملاهي اسوأ حاجه فيها انك ممكن تقف طابور ساعتين علشان لعبة واحده الملاهي بتبقي زحمة بطريقة غير طبيعية وفي كل الايام بصراحة مش الاجازات بس ولو روحت في العيد دقني اهي لو عرفت تركب حاجه، لكن الملاهي نضيفة جدا وعلي مستوي عالي من الجودة والعابها في منتهي الخرافة بس لو قلبك ضعيف متروحش لانك مش هتلاقي حاجه حلوه تركبها. المزيد >>

سينما ومسارح

  • سينما طيبة maro كتب: في نظري هيا السينما رقم3 في مصر مش تقليلا فى المكان بالعكس يعني انها رقم3 دي حاجه ممتازة جدا مكان مريح جدا, نضيف جدا, شيك جدا, اسعار جميلة جدا, افلام حديثه دايما, الكافيه فيه كل حاجه, يعني اظن ان اي حد حابب يقضي يوم حلو سواء لو حد او مع اصحابو مش هيحتاج حاجه اكتر من كدا, كمان الكراسي بصراحه مريحه جدا جدا, من الحجات اللى بتخلي السينما دي تحديدا مميزه هو التجديد المستمر والصيانه المستمره للقاعه فديما بتحس انها جديده من حيث القاعه والمكان وقديمة جدا من حيث مكانها وشعبيتها فى مصر انا زرتها مرتين وان شاء الله هكرر الزياره قريب جدا . المزيد >>
  • سينما مترو محمود ناجى كتب: سينما مترو من اهم وافضل السينيمات فى جمهورية مصر العربية. بصراحة الافلام فيها بتنزل قبل اى مكان اخر. هى مشكلتها الوحيدة انها على طول زحمة. وبصراحة انا معرفش اذا كان ليها اى فرع اخر ولا لأ انا اللى اعرفه بس السينما الموجودة فى وسط البلد فى شارع طلعت حرب. بصراحة الخدمة هناك متميزة جدا جدا والموظفيين هناك بيتعاملوا مع الناس بشكل جيد وكويس جدا. والقاعات اللى فى السينما مكيفة والشاشات واضحة. ده غير ان السينما بتحتوى على كافيتريا ممكن تقعد فيها لغاية ما الفيلم يبدأ. والتذاكر هناك اسعارها رخيصة ومواعيد عرض الافلام متميزة. انا بنصح اى حد بيحب يروح سينما انه يروح سينما مترو. المزيد >>

لياقة بدنية مراكز

  • اكستريم جيم Axtito كتب: اكستريم جيم من اكتر الحجات اللى عجبتنى فية واللى متميزة عن غيرة من الجيمات الاخري انه بيعمل ورق فية التدريب عشان الناس اللى مش فاهمة او لسة جديده فى الجيم ومتعرفشى بس بقى قدامها ورق تقدر تعرف تتمرن ازاي وصح وطبعا الاشراف والمتابعة الممتازة من المدربين هناك على اعلى مستوي ده غير الاجهزة اللى عنده ممتازة جدا وبيبقى عليها صيانه باستمرار وتبقى زي ماهيه كأنها جديده وبتعيش اكتر مش بتتهالك بسرعة زي جيمات تانية والمعاملة ممتازة من العاملين هناك والريسبشن واتمنى انهم يبقو ليهم فرع فى مدينة نصر عشان اقدر اروحة باستمرار. المزيد >>
  • مصر الدولية للاجهزة الرياضية mymeas كتب: هذه الشركة والله ممتازه تقدم اجهزة ممتازه ورياضيه وذات جوده عاليه ممتازه تساعد على الرشاقه للجسد والاجهزة رائعه وكمان مش بس كده دي بتحث على التوصل لاحدث الاجهزه في هذا المجال. المزيد >>

سبا

  • ويلو ستريم سبا asalam كتب: «ويلو ستريم سپا» فتح قريب في فندق فيرمونت نايل سيتي، موجود في الدور الأول تحت حمام السباحة بتاع الفندق اللي على الرووف، وده له منظر جميل مُطل على البلد. يعني في يوم الجو فيه صافي، تقدر تشوف الأهرامات من على بعد. اول ما تدخل السپا العصري هـ تلاقي العاملين هناك بـ يرحبوا بك. على الشمال هـ تلاقي السپا وعلى اليمين هـ تلاقي مركز التجميل وصالة الچيم. فيه كمان محل صغير تقدر تشتري منه المنتجات اللي بـ تُستخدم في السپا والشباشب، أرواب الحمام، ومجموعات الهدايا.السپا فيه جناحين مختلفين واحد للرجال وواحد للنساء، لكن لو عاوزين جلسة علاج ثنائي تقدر تحجز غرفة خاصة. الغرف الخاصة مكونة من ترابيزتين علاج وبانيو واسع، تقدر تأخذ فيه حمام باللبن أو العسل. خلف مكتب الاستقبال فيه لاونج اللازورد، وده للرجال والنساء. المزيد >>
  • هيلث كلوب بلو بوول اند سبا asalam كتب: أحسن حاجة فيما يخص العضوية في المكان أنك لك عدد مرات دخول غير محدودة لحمام السباحة الكبير الموجود في الفندق، وممكن تقعد على واحد من الكراسي المنفوخة أو السراير اللي حول الحمام. مشكلة الحمام أنه مش بـ توصل له الشمس وقت الصبح بسبب المباني اللي حوله، والتدفئة مش موجودة؛ وده بـ يخليه مثالي في الصيف وبارد جدًا في الوقت ده من السنة. السبا جنب غرف الملابس الصغيرة هي كمان. فيه غرفة بخار وساونا وجاكوزي، كل الغرف نظيفة وممكن تضبط نظام الجاكوزي حسب الرغبة. وفيه كمية من الفوط حولك، يعني مش لازم تأخذ واحدة معاك وأنت رايح. المزيد >>

صيدليات

  • صيدلية الحوفى muhammed كتب: صيدلية محترمة جدا والقائمين عليها ناس فى منتهى الاحترام وبيحبوا شغلهم جدا وفيهم لمسة انسانية والصيدلية موقعها متميز جدا ويعتبر على شارع الهرم الرئيسي اكبر شارع سياحي في مصر وامام مدرسة ام الابطال وبالنسبة لشكل الصيدلية من الخارج تحفة وديكوراتها مميزة اوي وتشدك والادوية منظمة بطريقة كويسة اوي وفيها اصناف كتير اوي من الادوية وخدمة التوصيل للمنازل دي فعلا حاجة كويسة اوي بتضيف كتير لرصيد الصيدلية ويكفي بجد معاملتهم الانسانية الممتازة مع كل الناس ومساعدتهم لغير القادرين في الحصول على العلاج ده غير ان عندهم قياس سكر وضغط ووزن وخدمات تانية كتير. المزيد >>
  • صيدليات دلمار وعطاالله كتب: صيدلية عريقة وخدماتها عظيمة وأعتمد عليها دائما فى أى دواء غير متوفر وخدمة العملاء متميزة المزيد >>

اطباء

  • د. جمال الحسينى زهره الشتاء كتب: دكتور جمال الحسينى من افضل اطباء علاج الاورام بالاسكندريه. اتمنى وجود موقع خاص به للتواصل معه والاستفاده من خبراته. المزيد >>
  • د. عبير عطية توفيق Sarah Magdy كتب: ذهبت الى المركز اليوم لإعادة نضارة البشرة وأود أن أتقدم بالشكر الجزيل لكل العاملين بهذا المركز الرائع. هناك خصوصية في التعامل، فمرتادى المركز من السيدات في الأساس وكل العاملات هناك سيدات من ممرضات أو طبيبات. المكان نظيف و ذوقه رفيع. الخدمة الطبية ذات جودة عالية فلقد قامت الطبيبتان المعالجتان بالشرح التفصيلي لما سوف يحدث والمراحل اللتي سنستغرقها في العلاج و عدد الجلسات و نوعية الاجهزة المستخدمة و النتائج المتوقعة. استغرقت الجلسة 45 دقيقة وكانت الطبيبة ماهرة جدا و بشوشة و مرحة فلم اشعر بالوقت أو حتى أي ألم. وعندما انتهيت شعرت اني قد قمت بتنظيف عميق لبشرتي و تفتيح شامل لكل مسامها. أنا حقيقة سعيدة جدا بهذه التجربة اللتي لم أكن أتوقع أن تكون على هذا النحو المفيد الجميل. إن شاء الله سأواصل واستكمل علاج بشرتي وأحصل على الطلة اللتي أحلم بها وأتمناها وأستحقها بإذن الله. خالص شكري وتقديري العميق للدكتورة عبير عطية والدكتورة رندة والممرضة اللطيفة بالاستقبال المزيد >>

مستشفيات ومراكز طبية

  • مستشفى الشروق Forrest كتب: المستشفي ديه محترمة جدا و هيئة التمريض فيها علي اعلي مستوي و بيسمعوك كويس مش مستعجلين و بيحولو يقدمو ليك كل الخدمات الممكنه و الغرف نظيفة و اسعارها معقوله بالنسبة للخدمات المقدمه منها المزيد >>
  • مستشفى الاقصر الدولى mark كتب: مستشفى الاقصر الدولى من المستشفيات المشهورة وبها اطباء ممتازين في جميع التخصصات يوجد بها اكتر من تخصص وبصراحة الاطباء كلهم شاطرين جدا هناك. خصوصا دكاترة الاطفال هناك بجد رائعين. المستشفى بصفه عامه نظيفه وشيك بس زحمة مووووت يعني لما تروح هناك هاتلقى المستشفى زحمه شويه وده اكيد بسبب ان عدد كبير من الناس بيروحها لثقتهم فيها وارتياحهم لها. المستشفى مجهزه بكل وسائل الراحه لضمان الراحه النفسيه للمرضى او للزوار يعني لو رايح تكشف عند دكتور وقدامك كتير على دورك هتلاقى كوستا كافيه داخل المستشفى تقدر انك تنتظر فيه وتاخد اي مشروب. المزيد >>

يعرض الان فى السنيما

(عرض الكل)

أخبار

أهم الأخبار

CNN Arabic - المتحدث باسم التحالف الدولي ضد "داعش":....  المزيد >>

يويفا: لقاء برشلونة وروما شهد أفضل هدف في دوري....  المزيد >>

عاشور: على المجتمع الدولي مساندة مصر ضد الإرهاب  المزيد >>

وزيرة خارجية الأرجنتين تشيد بأمن مصر.. وتؤكد: يجب....  المزيد >>

اقرأ المزيد >>