مطاعم صالات طعام
- مطعم كازالوفى mesho كتب: مطعم فندق كازلوفي يتميز هذا المطعم بموقعه فى وسط مكان يسكنه نوعين من الناس الطبقه المتوسطه والطبقه الفقيرة، اجد انه مناسب جدا للطبقه المتوسطه من العملاء. يتميز بهدوء المكان ويتميز ايضا بنوعية الناس الموظفين فهم متميزون بالهدوء وحسن معاملة الناس والذوق والرقه يعيب هذا المطعم انه داخلى فى الفندق وليس كثيرين يعرفون عنه. انصح الشعب السوهاجى بزيارة المكان والتعامل معه وادراج التعليقات التى يرون انها مناسبه. اما عن الفندق الذي يوجد به هذا المطعم فهو فندق نجمتين على الاكثر وبالتالى المطعم لن ياخذ اكثر من ذلك. المزيد >>
- بيت الدونتس sara كتب: بيت الدونتس بكل فروعو مكان جميل جدا وهادى جدا ونضيف بخلاف الزحمة على الشراء لانو دى حاجة مانقدرش نتدخل فيها لكن المكان جوة للى بياكل جوة المكان بيكون هادى اوى, يا سلام بقة على الدونتساية كده وهي متغرقة بالشيكولاتة بتكون تحفة انا عن نفسى بفضل اى حاجة بالشيكولاتة واكتر حاجتين دونتس وكرواسون بالشيكولاتة بيكون طعمهم لذيذ جدا يعنى الواحد مش بيشبع منهم الصراحة, الاسعار كويسة يعنى مش غالية ومش رخيصة, كمان اختى واصحابها بيشترو من عندو وهما مروحين من الشغل وبيكونو جعانين اوى بيجيبو وبياكلو وهما ماشيين فبيكون اكلة خفيفة وسريعة ومش مكلفة اوى. المزيد >>
مخابز ومعجنات وحلوى محلات
- زانوبيا romyo كتب: زانوبيا مش محتاج انى اتكلم عليه عشان اوصفه لان كلامى مش هيوصفه زانوبيا يعنى احلى حلويات شرقية ممكن تاكلها فى حياتك انا بانصح كل واحد بيحب الحلويات والشيكولاته انه ما يترددش فى الشراء من زانوبيا بجد مكان تحفه وخدمة مميزة جدااااااا جداااا ويااه على الجاتوهات والتورتات اللى عنده بجد ها تبهرك. المزيد >>
- حلوانى العبد mnhnmnhn كتب: انا من ايام الجامعه كنت غاوي انزل انا واصدقائي ونروح نتمشي في وسط البلد وتاكل الايس كريم وطبعا بكون معزوم. اللي عايز يجرب الايس كريم وخصوصا في موجه الحر دي ياكل ايس كريم دوبل بالشيكولاتة والمانجو ويقولي راية في الطعم. هيحس انه رائع كمان الاسعار عنده تحفة مش غالية خالص ومحافظ على مستواه من اول مافتح لدلوقتي في جميع فروعه ودايما فروعه عليها اقبال رهيب من الناس في اي وقت تروح تلاقي الدنيا زحمة وخصوصا لما العيد يقرب او مولد النبي لانه بيعمل كحك وبيتيفور مالهومش حل وكمان حلويات مولد النبي بتاعته في منتهى الجمال والروعة. المزيد >>
مقاهى
- ع القهوة mayora كتب: 3al ahwa cafe , bi2dm game3 elaklat sawa2 masrya w ashhrha tb3n elfol w elta3mia w el baba ghanoug aw elfatta , w elakl elshamy aw ellebnany ta7dedan zy elfattoush w eltaboula w elkobeba elshamy w gherha , aw elakl el american zy elburger w el sausages w elhot dog w el beef w kol da f mno sandwiches aw meals with bread aw rice , da gher el matba5 eloroby zy el pizza w el Cream of Chicken & Mushroom Soup w el Greek Salad w ghero keter , w elakl 3ndohom mi3tabrsh ghaly takol l ghayet ma tshb3 w mtdf3sh 60 geneh 7ta. المزيد >>
- تيستا روزا كافيه babsiii كتب: يعد الكافيه من اقيم الكافيهات فى مصر ولكن يعيبه نقص قائمة المأكولات من الحلويات الشرقية هذا بجانب نقصها ايضا من جميع انواع البيتزا ولذلك قد يكون الاقبال عليه ضعيف ولكن فضلا عن إنه به تلك الملاحظة التى ذكرتها ولكن مستوى الخدمة فيه تفوق الخيال ولاحظت ايضا ارى انه من الافضل توحيد سعر الحد الادنى للطلبات حيث انه يتم احتساب الحد الادنى من الطلبات حتى الساعة الخامسة مساءاً بسعر 40 جنيهاً وبعد ذلك الوقت يتم احتساب الحد الادنى للطلبات بسعر 50 جنيهاً. المزيد >>
نوادى
- النادى الاهلى beedo كتب: حصل على العديد من البطولات تبلغ حوالى 108 بطولة، ما بين الدورى المصرى والكأس المصرى وكأس السوبر المصرى، والبطولات العربية ابطال الدورى وابطال الكاس وكأس النخبة العربية، والبطولات الافريقية ابطال الدورى والكأس والسوبر الافريقى، و بطولة الكاس الافرواسيوية. ومن اهم الانجازات المهمة الحصول على كأس العالم للاندية فى اليابان عام 2007. الرئيس الحالى هو حسن حمدى واكثرهم شهرة الكابتن صالح سليم ومختار التتش. يوجد العديد من الالعاب مثل كرة القدم واليد والطائرة والسلة وكرة الماء. والالعاب الفردية مثل تنس الطاولة والكاراتيه والاسكواش والعاب القوى والتنس والجمباز والسباحة. ويصدر عن النادى الاهلى مجلة خاصة به وقناة رياضية. و اشهر لاعبى الكرة فى الاهلى صالح سليم والجوهرى والخطيب، والنجوم الحاليين ابو تريكة وبركات ومن اشهر المدربين مانويل جوزيه. و انا اهلاوى على طول، الاهلى طول عمره فوق دائما وفى اى مكان دائما فريق كبير فريق عظيم، النادى الاهلى مفيش زيه. النادي الأهلي هو نادي القرن فقد حصل تقريبًا على أغلب بطولات الدوري كما حصل على الكثير من البطولات الأخرى مثل الكأس والسوبر كما حصل على مركز عالمي المركز الثالث في بطولة كأس العالم للأندية وسط أندية أوروبا الضخمة في 2007 كما أنه متميز في جميع الرياضات و ليست كرة القدم فقط. المزيد >>
- مركز شباب الجزيرة محمود ناجى كتب: مركز شباب الجزيرة هو من اكبر وافضل واشهر مراكز الشباب على مستوى القاهرة والجمهورية. كما ان مركز شباب الجزيرة يضم مجموعة كبيرة من ملاعب كرة القدم التى تجذب الكثير من الشباب. كما انه يحتوى ايضا على مجموعة كبيرة من الانشطة. مثال ذلك كرة القدم والكشافة والخ. وضم اليه حديثا حمام سباحة. ويشترك فى مركز شباب الجزيرة الالاف من الاعضاء. كما انه يحتوى على اطول سارية علم فى العالم وتحمل علم مصر وهذه ضمت اليه مؤخرا. انا بصراحة معظم اصدقائى اعضاء فى مركز شباب الجزيرة. وكمان رسم الاشتراك بتاعه رمزى ويناسب جميع الفئات. انا بقول لاى حد عايز يشترك فى مركز شباب انه يشترك فى مركز شباب الجزيرة. المزيد >>
ملاعب واماكن ترفيه
- دريم بارك يوسف السمطي كتب: دريم بارك تعتبر احسن ملاهي في الشرق الاوسط ومحدش يقدر ينكر ده، وبجد هي احسن ملاهي رحتها في حياتي، فيها اكتر من 50 لعبة ورسوم الدخول 50 جنيه للفرد شاملة كل الالعاب، رحتها اكتر من 6 مرات لاني بحب اروحها جدا، واجمد لعبة عجبتني فيها بجد هي لعبة قطر الموت، فعلا لعبة جامدة جدااااااااا يعني عمري ما شفت لعبة زيها، بتحس انك طاير في الجو وتقع من مكان عالي اوي وبعدين تطير لفوق تاني، انا بتمني من الناس اللي مجربتش اللعبة دي تجربها، لانها بجد لعبة من اروع الالعاب اللي لاقتها هناك، وبنصح اي حد عايز يركب الشلالات يجيب فوطة معاه لانه هيطلع مستحميD: المزيد >>
- الازهر بارك zozo كتب: الازهر بارك من اجمل الاماكن الموجوده فى مصر. لما بكون عاوزة استمتع بالطبيعه لازم اروح هناك وفيه كمان هناك مطعم الازهر هايل جداا بروح دايما انا واصحابي. المزيد >>
سينما ومسارح
- ستارز سينما Mostafa Taha كتب: انا رايى ان ستارز سينما من احسن السينمات فى مصر ان لم تكن افضلهم فعلا على الاطلاق وده بسبب اكتر من عامل اول حاجة التعامل الجيد مع كل العاملين يعنى تشعر انك بتتعامل مع اشخاص محترمة جدا وكل شخص عارف حدود وظيفتة اية وكمان عارف واجباتة كويس وكمان المكان هناك نظيف جدا وبردو من اهم الاشياء التى تميز ستارز سينما هى انها من اول السينمات الى بتنزل فيها الافلام بسرعة جدا يعنى اول سينما بتنزل الفيلم فى مصر وكمان مش اى فيلم لا دى بتختار افلام جامدة جدا ولو اتكلمنا عن تجربتى الشخصية فانا اول فيلم 3D اتفرجت علية كان فيلم AVATAR وكان فى ستارز سينما وبجد كانت تجربة جامدة جدا وحاجة عمري ما هانساها المزيد >>
- سينما طيبة momo كتب: انا بحب الكان ده جدا. هوه من الأماكن القليلة فى مصر اللى لما تروحها هتحس انك مش فى مصر و انك فى بلاد بره المكان مسلى جدا وحلو علشان الواحد يروح ويقضى وقت ممتع وكمان ويتفرج على فيلم جديد مع اصحابه و ديه طبعا احسن حاجة فى الدنيا. سينما طيبة بحب فيها ان هوه سهل الوصول ليها و كمان اسعارها كويسة جدا لأى حد علشان يدخل يشوف فيلم جديد. بس المشكلة انها بأت زحمة جدا خاصة فى حفلات الليل والواحد بقى يضطر يروح بالنهار علشان يدخل السينما ويكون مش زحمة. كمان قاعات العرض كويسة جدا والكراسى مريحة اوى ومش كئيبة والقاعة واسعة اوى والأضاءة مناسبة جدا علشان العرض شوفت فيها فيلم عسل اسود كان حلو اوى. المزيد >>
لياقة بدنية مراكز
- بلاتينيوم جيم mark كتب: من الاماكن الجميله اللى فيها بتلقى خدمه جميله يعنى تلقى احدث الاجهزه وكمان مدربين متخصصين بيعملوا كل اللى فى جهدهم لكى يوصلوا اجمل خدمه للشباب يعنى تروح هناك تلقى تشجيع كبير وكمان مش بيستغلوا الناس يعنى لو انت تعبان ممكن ينصحوك بالراحه وكمان مينفعش ترهق جسدك اكتر من اللازم بلانتينيوم جيم جميل جدآ وكمان اسعاره جميله لو فعلآ عندك اى مشكله مع اى حاجه هناك ينفع تكلم المسئولين هناك هتلاقيهم بيحلوا كل المشاكل وكمان بيعاملوا الناس معامله كويسه ومنساش ان لعب الرياضه ليه فوايد جميله جدآ علشان كده لو ساكن جمب بلانتينيوم اشجعك تروح. المزيد >>
- برو سنتر للرياضة Axtito كتب: انا كنت فى جيم برو سنتر لمده تلاتة شهور لانهم كانو عملين عرض فأشتركت لمده ثلاثة شهور بس انا وقفت مش عشان الجيم و حش ولا حاجة بس عشان انا اصلا اخري فى اي جيم ثلات شهور وبعد كده بزهق بس بصراحة الجيم ده من احسن الجيمات اللى رحتها وبجد الاجهزة بتاعتة جميلة جدا وكلها جديده والمدربين هناك على مستوي عالى من الكفائة والمساحة بتاعتة كبيرة وواسعة والروح اللى موجوده هناك والناس اللى بتدرب كلها بتحسس الواحد انه عايز تروح باستمرار واتمنى طبعا للافضل وانشاء الله هكون فية قريب انشاء الله واتمنى المزيد من النجاج والتوفيق. المزيد >>
سبا
- هيلث كلوب بلو بوول اند سبا asalam كتب: أحسن حاجة فيما يخص العضوية في المكان أنك لك عدد مرات دخول غير محدودة لحمام السباحة الكبير الموجود في الفندق، وممكن تقعد على واحد من الكراسي المنفوخة أو السراير اللي حول الحمام. مشكلة الحمام أنه مش بـ توصل له الشمس وقت الصبح بسبب المباني اللي حوله، والتدفئة مش موجودة؛ وده بـ يخليه مثالي في الصيف وبارد جدًا في الوقت ده من السنة. السبا جنب غرف الملابس الصغيرة هي كمان. فيه غرفة بخار وساونا وجاكوزي، كل الغرف نظيفة وممكن تضبط نظام الجاكوزي حسب الرغبة. وفيه كمية من الفوط حولك، يعني مش لازم تأخذ واحدة معاك وأنت رايح. المزيد >>
- ويلو ستريم سبا asalam كتب: «ويلو ستريم سپا» فتح قريب في فندق فيرمونت نايل سيتي، موجود في الدور الأول تحت حمام السباحة بتاع الفندق اللي على الرووف، وده له منظر جميل مُطل على البلد. يعني في يوم الجو فيه صافي، تقدر تشوف الأهرامات من على بعد. اول ما تدخل السپا العصري هـ تلاقي العاملين هناك بـ يرحبوا بك. على الشمال هـ تلاقي السپا وعلى اليمين هـ تلاقي مركز التجميل وصالة الچيم. فيه كمان محل صغير تقدر تشتري منه المنتجات اللي بـ تُستخدم في السپا والشباشب، أرواب الحمام، ومجموعات الهدايا.السپا فيه جناحين مختلفين واحد للرجال وواحد للنساء، لكن لو عاوزين جلسة علاج ثنائي تقدر تحجز غرفة خاصة. الغرف الخاصة مكونة من ترابيزتين علاج وبانيو واسع، تقدر تأخذ فيه حمام باللبن أو العسل. خلف مكتب الاستقبال فيه لاونج اللازورد، وده للرجال والنساء. المزيد >>
صيدليات
- صيدليات دلمار وعطا الله essmat كتب: صيدلية دلمار من الصيدليات المتميزة فى ايجاد اى نوع من الادوية الناقصة فى السوق وخصوصا الادوية المستوردة وصيدلية دلمار اللى فى 26 يوليو متميزة بالخدمات المميزة وطريقة التعامل مع المشترى جيدة جدا وفى صراحة فى التعامل وكمان عندهم العدسات اللاصقة الخاصة بالنظر من الانواع الجيدة واسعارها كويسة وادوية القلب المستوردة وبتكون سهرانة 24 ساعة وتوصل الطلبات وكنت سعيدة جدا بفرع شبرا وعلى فكرة كمان بنطلب قياس الضغط فى المنزل بيرسل متخصص ومعة جهاز الضغط وبالمجان حقيقى خدمة متميزة وعندهم ماكينة فيزا محمول لخدمة الدفع المؤجل لفترة بتصل الى 50 يوم بواسطة بطاقة الائتمان بالصيدلية والمنزل ودى راحة للناس الكبار فى السن حقيقى بتنفعنى بالليل. المزيد >>
- صيدلية المختار الجديدة sara كتب: صيدلية المختار صيدلية تحفة اوى, اى نوع من الادوية تلائيه هناك, يعنى حتى لما بروح لدكتور وبيوصف مثلا نوع دوا ممكن يكون نادر بيقولى شوفيها فى المختار, وكمان لو طلبت حاجة معينة منهم بتدينى يوم محدد والائى الحاجة بتاعتى موجودة على طول, بحب دايما اتعامل معاهم, لانو معاملتهم جميلة اوى, وكل اما بروح بوزن نفسى ومش بياخد فلوس ولا حتى لما بيقيسو الضغط بياخدو فلوس على عكس صيدليات تانية كتير, بس فى حاجة بئا دايما بحس انو المكان مش مرتب يعنى ما شاء الله ناس كتير بتشتغل فيها فبحس بلهوجة كده بس خدمتهم ممتازة الصراحة ويارب كده على طول. المزيد >>
اطباء
- د. محمد الطبلاوى sara كتب: مقدرش اقول عن دكتور محمد الطبلاوى الا انو دكتور ممتاز بجد, روحتلو مرتين قبل كده عل فترات متباعدة, احسن حاجة انو بيطلب تحاليل عشان يحدد ايه الموجود بالظبط ويكون فى نوع من التأكد من التشخيص, احسن حاجة انو بيئعد يسمع للمريض كويس اوى عشان تعب كتير بيكون بسبب الحالة النفسية وانا كنت من النوع ده, و هوا شخصية محترمة جدا وبشوش وبيطمن المريض يعنى تخرج من عندو مرتاح بجد حتى لو كنت تعبان جدا,كفاية انو قريب الشيخ الطبلاوى, وهوا شخصية متفوقة من يومها, ودايما يا رب فى نجاح على طول, اخر مرة كنت عندو من شهر ونص وفاضلى شهر ونص واروحلو تانى لانو ادانى علاج امشى عليه فترة 3 شهور لتقوية جهاز المناعة وان شاء الله خير. المزيد >>
- د. طارق عبد الظاهر قرقور Queen كتب: د. طارق قرقور من الدكاترة الممتازين اذا لم يكن علامة فى تخصصه فهو دكتورى منذ 10 اعوام وقد اكرمنى الله معه بطفلين توأم بعد 11 سنة زواج. فهو ايضا استشارى فى الحمل الحرج ورعاية صحة الام والجنين وهذه المعلومة للحالات التى تحتاج معامله خاصة. من يريد معرفة المزيد فأنا ارحب بالرد عليه. المزيد >>
مستشفيات ومراكز طبية
- مستشفى تبارك للاطفال AEmad كتب: مستشفى تبارك من اكتر المستشفيات فى مصر خبرة و احتراما للمريض و هى متخصصة فى رعاية الاطفال و لكن بها اقسام عديدة زى الباطنة و العظام و المخ و الاعصاب و معظم التخصصات الاخرى فرعها الرئيسى فى مصر الجديدة و لكن لها فروع كثيرة اخرى زى المعادى و فيصل و هى من اكتر المستشفيات احتراما و انا اذكر ان واحدة من اقاربنا كانت بتولد هناك و كان التعامل محترم جدا و كمان كان موجود اجهزة فى منتهى التقدم و ذات تكنولوجيا عالية جدا و الدكاترة هناك كمان فاهمين شغلهم كويس جدا و ده اللى بيخليها من اشهر المستشفيات فى مصر و خصوصا فى تخصص رعاية الاطفال المزيد >>
- مركز مبرة السيوف mark كتب: مركز مبره السيوف من المراكز الطبيه اللى فعلآ تستحق الثقه والتقدير المركز مصمم على الطراز الحديث اللى بيشبه الطراز الاوربى الى حد ما كمان المركز مزود بأاجهزه حديثه وكمان بيتعاملو مع جميع التخصصات انا رحت مع واحد صاحبى هناك لقيت انى المركز فعلآ مميز جدآ والاطباء اللى فيه على مستوى ممتاز من الكفائه علشان كدا كان لينا ربع ساعه داخلين برغم الزحمه لكن قدرنا اننا ندخل والمشكله اتحلت ولقينا انى الدكتور كان مرحب بينا والفحص بتاعه فى قمه الثقه وكمان المركز جميل من جهه الاسعار مش بيفرق كتير عن الاسعار بره انصحك تروحه. المزيد >>
